我明⽩，當你有⼀個過度活躍症的⼩朋友，係會令到家長想從各⽅⾯幫助到⼩朋友。⽽營養餐單，亦都係家長會注重的地⽅。但係，係咪真係有⼀個餐單可以幫助到過度活躍症？
喺營養學嘅層⾯，好多疾病都會有特定的餐單去幫助疾病症狀。可是過度活躍症，是沒有⼀個特定的餐單。但係，亦都有啲飲食⽅法或食物可能可以幫助到過度活躍症的⼩朋友。
其中⼀樣營養素對過度活躍症⼩朋友有比較⼤的影響，就係糖分， 如果可以幫到⼩朋友的能量和⾎糖平均分布，就可以達到專注⼒提升。其實有啲食物如果可以嘅話就盡量唔好食咁多，因為有可能會令到過度活躍的情況更加嚴重。有啲研究講，食得太多糖，會令到⾎糖飆升，增加過度活躍的情況。所以盡量少吃糖果，甜嘅食物和飲品例如汽⽔、蛋糕、曲奇等等。其實⾼糖分嘅食物都會令到我哋增加健康嘅風險，譬如話糖尿病、癡肥， 甚⾄乎蛀牙，所以都係少吃為妙。
1. 碳⽔化合物是需要的，但係最好選擇複合碳⽔化合物，因為可以幫助⾎糖平衡，減少⾎糖飆升。盡量選擇少啲精製類嘅碳⽔化合物，譬如話⽩濛濛嘅澱粉質：⽩麵包、⽩⾊嘅⽶飯、薯條，甚⾄乎零食。
複合碳⽔化合物，例如：
• 紅糙⽶、野⽶
• 全麥麵包、全麥意粉
• 根莖類蔬菜
• ⾖類
2. 食⽤有質素的蛋⽩質，蛋⽩質可以保持⾎糖平衡，和氨基酸可以幫助腦部的神經傳遞物質 (neurotrasmitter)
有質素的蛋⽩質，例如：
• 新鮮的⾁類、 雞、⿂和海鮮
• ⾖類、⾖腐
• 雞蛋
• 堅果
3. 奧⽶茄三脂肪酸 (Omega-3 fats) 對於我哋⼼臟同埋腦部健康係好重要，所以有啲研究指出奧⽶茄三有可能幫到過度活躍症嘅⼩朋友嘅症狀。食物例如：
• ⾼⿂油脂肪的⿂：三⽂⿂、 銀鱈⿂
• 奇亞籽、亞麻籽
4. 美國兒科學會 (The American Academiy of Paediatrics AAP) 亦都有指出，過度活躍症嘅朋友，最好就唔好食有⾊素或者有⼈⼯添加劑嘅食品。
5. 亦有研究指出，過度活躍症嘅⼩朋友的⾎液內有某種營養素嘅數量係比較低。譬如話鐵質、 鎂、鋅、維他命B6同埋維他命D。究竟係咪因為呢啲⼩朋友嘅營養素數量比較低令到佢哋症狀提升，定係如果食多啲呢啲營養素會令到佢哋嘅症狀好啲呢？呢⼀個就仲未有⼀個確定嘅答案。
每⼀個⼩朋友都有佢哋獨特嘅⼀⾯。⾝體機能、症狀都係好獨特嘅。所以每⼀個⼩朋友都建議有佢獨特嘅餐單，去幫助舒緩佢哋嘅症狀。以上嘅資訊係⼀啲比較通⽤的建議，亦都冇⼀個特定嘅份量比你嘅⼩朋友。 現在網上資訊實在太多要⼩⼼篩選，因為有些資訊不是正確的，跟他們的食法有可能會對⼩朋友健康唔好，甚⾄乎令到症狀提升。如果有需要幫助⼩朋友設計⼀個特定的餐單，請諮詢你嘅營養師同埋醫⽣。
你的友善營養師 Liza，祝⼤家嘅⼩朋友健康快樂。
相關連結﹕
✍🏻撰文：陳荃賢營養師 英國註冊營養師 | 澳洲認可營養師 | 香港營養師協會會員
Comentarios